Alisson Shore - Di ko Na Alam

Nagising na parang katatapos na agad ng aking araw
Ngunit mas may nais pang mahangad na pagbabago
Sa sistema kong paulit-ulit pag humaharap sa salamin
Parang binagsakan ng langit at nasambit na pota
Ang pangit pangit ko lintik na tigyawat sa ilong
At timbang na pitumpung kilo

Ngunit mas mabigat na pasanin ang aking mga hangarin
Yung pangarap sa entabladong muntik nang tangayin ng hangin
Dahil sa magulo ang isip ko
Araw-araw kalaro Cara y Cruz sa demonyo nang-eenganyo
Naghihintay lang na lumapag sa tao

At kung sa krus man pumatak ipako nyo na'kong solido uh
Sa ngalan ng aking Ama Diyos ko 'di ko na ata kaya
Tuluyan nang nawalan ng pag-asa pinilit ko naman lahat
Pinilit na maging tapat siya na nga lang ang lahat
Kinuha n'yo pa sakin ng sagad 'di ko na alam

Ang hirap mabuhay s'ya lang ang aking buhay
Pasensya na kung kaiba man sa inyong panlasa
Ang nais ko lang naman ay tuluyan mo nang mabasa na
Hindi lahat ng araw ko'y pabor sa pilak at ginto
Halos palagi pang pinagsasaraduhan ng pinto

Ang hirap lang bumangon at maghintay sa himala
Ang bagal ng bawat araw at palala ng palala
Palayo ng palayo sa kinatatayuan nung dati hawak ang kamay
Ngayo'y tinatanaw na lang pasensya kana 'di ko na namalayan
Inulit lang ang aking mga kasalanan

Sa pagkakataong ito'y hinanda ang aking sarili
Nasambit na lang mag-ingat ka palagi at
'Di ko masisisi kung iiwanan mo ako

Sino nga namang babae ang pabor sa ganito
Hanggang sa huling pagkikita
Pinangakong mas uuna para sa'yo
Sorry
Ikaw lang ang aking buhay

Written by:
EMMANUEL SAMBAYAN

Publisher:
Lyrics © Songtrust Ave

Lyrics powered by Lyric Find