Fount & Origin and James Tomlinson - Urbs beata Jerusalem
Urbs beata Jerusalem, dicta pacis visio
Que construitur in celis vivis ex lapidibus
Et angelis coronata ut sponsata comite
Portae nitent margaritis, aditis patentibus
Et virtute meritorum illuc introducitur
Omnis qui pro Christi nomen hic in mundo premitur
Tunsionibus, pressuris, expoliti lapides
Suis coaptantur locis, per manus artificis
Disponuntur permansuri sacris edificiis
Hoc in templo summe Deus exoratus adveni
Et clementi bonitate precum vota suscipe
Largam benedictionem hic infunde jugiter
Hic promereantur omnes petita adquirere
Et adepta possidere cum sanctis perenniter
Paradisum introire translati in requiem
Gloria et honor Deo usquequo altissimo
Una patri filioque, inclito paraclito
Cujus laus est et potestas per eterna secula
Amen
Written by:
Anonymous
Publisher:
Lyrics © MONETIZE YOUR CREATIONS
Lyrics powered by Lyric Find