Kopp-Ping and Kölsche Daddy's - Kein Naach Zohuss

Am Silves-termorje
Weet dat Bäumche affjeschmück
Un dann jeht et schnell en dä Jetränkemaat,
Denn öm 18 Uhr kummen de Lück,
Am nächste Morje weet die Pappnas usjepack,
Ach Liebsche wat es dat dann, dat Kostüm es vill zo spack,
Ävver do wahs ich janz schnell ren,
Weil ich ab Morje nit zo bremse ben


Vun Neujohr bes Äschermettwoch,
Sin m ́r kein Naach mie zo Huss,
Stonn m`r Ovends en d`r Weetschaf,
Krit uns keiner mie he rus,
Vun Neujohr bes Äschermettwoch,
Jeht et uns su richtich jot, denn dat han m`r all em Bloot


Meins do dat äns leeve Heiner,
Wo küss do her do ahl Fijur,
Säht dann ming Frau zo mir su wie ne wilde Stier,
Jung ich jläuv do schlöfs hück besser ens om Flur.
Jester Ovend han ich Zupp vör dich jemaat,
Häs do ja kei schläch Jewesse, unsre Hungk wor noch nit pisse,
Un do hür ich janit hin, weil ich hück Ovend widder fiere ben


Vun Neujohr bes Äschermettwoch,
Sin m ́r kein Naach mie zo Huss,
Stonn m`r Ovends en d`r Weetschaf,
Krit uns keiner mie he rus,
Vun Neujohr bes Äschermettwoch,
Jeht et uns su richtich jot, denn dat han m`r all em Bloot


Et janze Johr,
Ben ich su nett
Doch Fastelovend fing ich niemols en mie Bett
Un immer noch, lieje ich Fijur
Met mingem Plümmo he om Flur


Vun Neujohr bes Äschermettwoch,
Sin m ́r kein Naach mie zo Huss,
Stonn m`r Ovends en d`r Weetschaf,
Krit uns keiner mie he rus,
Vun Neujohr bes Äschermettwoch,
Jeht et uns su richtich jot, denn dat han m`r all em Bloot

Written by:
Andreas Könen, Marcel Fitt

Publisher:
Lyrics © Music Hub O/B/O GEMA

Lyrics powered by Lyric Find