Dario Sansone and Ilaria Graziano - Voce 'e notte

Si 'sta voce te scéta 'int' 'a nuttata,
Mentre t'astrigne 'o sposo tujo vicino...
Statte scetata, si vuó' stá scetata,
Ma fa' vedé ca duorme a suonno chino...

Nun ghí vicino ê llastre pe' fá 'a spia,
Pecché nun puó' sbagliá 'sta voce è 'a mia...
E' 'a stessa voce 'e quanno tutt'e duje,
Scurnuse, nce parlávamo cu 'o "vvuje".

Si 'sta voce, che chiagne 'int' 'a nuttata,
Te sceta 'o sposo, nun avé paura...
Vide ch'è senza nomme 'a serenata,
Dille ca dorme e che se rassicura...

Dille accussí: "Chi canta 'int'a 'sta via
O sarrá pazzo o more 'e gelusia!
Starrá chiagnenno quacche 'nfamitá...
Canta sulo isso... Ma che canta a fá?!..."

Starrá chiagnenno quacche 'nfamitá...
Canta sulo isso... Ma che canta a fá?!..."

Written by:
Ernesto De Curtis, Edoardo Nicolardi

Publisher:
Lyrics © ITALIAN BOOK CORPORATION

Lyrics powered by Lyric Find