Nonto the poetess - Ungumbulali wena
Ungumbulali wena
Bengkutsembile ngeyam' imphilo
Kantsi lutsandvo lunjani?
Njengobe lacala ngemanceba
Kwacala ngetibhakela
Lutsandvo lenhlupheko
Ngite ngisho inkhululeko
Yabona kube ngavele ngatithulela
Kube vele ng'phumlile
Ngobe ngalemphilo besengenele
Kona vele besengkhatsele
Kodvwa wayitfolaphi imvumo yokungbeka sandla?
Ngobe bengkuphatsisa kwe Nkhosi
Indzaba wena bewungphatsisa kwel'dimoni
Sono sami kantsi bekuyini?
Ngobe bewung'sukela ngitihlalel' emini
Kube nebatali bebasaphila
Kube mane ngabika
Kodvwa bengitawutsi "maye!" Kubani ngiyintsandzane
Batsi intsandzane lenhle ngumakhotfwa ngunina
Ngitawukhotfwa ngbani kantsi mine
Besengmane Ngiveta lemhlatsi
Ngentela umphakatsi
Kodvwa bengopha ngekhatsi
Lilanga lengagcina kuk'bona ngalo
Bengitfukutsele ngigane lunwabu
Besengitsi ngifuna kutiphendvulela nami
Kodvwa ngbani longalwisa sidlakela sendvodza?
Licili lel'tayele bucili
Kodvwa akusenani ngani alikho licili lelatikhotsa England
Intfo lengivisa buhlungu
Kutsi bengitenta taba
Ngetama Ngitsi ngisita wena
Kodvwa wena uloku ungbonga ngemsila
Yati umuntfu angeva lobucili bakho
Angakuphikela imphela
Ngobe ebantfwini uyingilosi
Ukhuluma kuphila
Ungasheshi utfokote ndvodza
Ungumbulali wena loko ungakukhohlwa
Ingati yami isetandleni takho
Tinyembeti tami ngete tawela phansi
Ingani ngingumuntfu nami
Umtsetfo yebo wanghlula
Kodvwa ingati yami iyakhuluma
Nyalo sesikhatsi sami
Ndvodza utawujeziseka
Ungumbulali wena
Vele ungumbulali
Nanembeza uyasho
Ungumbulali wena!
Written by:
Nontobiso Williams
Publisher:
Lyrics © O/B/O DistroKid
Lyrics powered by Lyric Find