Alistair Dixon and Chapelle du Roi - Jam Christus astra ascenderat

Jam Christus astra ascenderat
egressus unde venerat
promisso Patris munere
sanctam daturus spiritum.
Solemnis urgebat dies
quo mystico septemplici
orbis volutus septies
signat beata tempora.
Dum hora cunctis tertia
repente mundus intonat
orantibus apostolis
Deum venisse nuntiat.
De Patris ergo lumine
decorus ignis almus est
qui fida Christi pectora
calore verbi compleat.
Dudum sacrata pector
tua replesti gratia
dimitte nunc peccamina
et da quieta tempora.
Sit laus Patri cum Filio
sancto simul Paraclyto
nobisque mittat Filius
charisima Sancti Spiritus.

Written by:
Thomas Tallis

Publisher:
Lyrics © MONETIZE YOUR CREATIONS

Lyrics powered by Lyric Find