Frammenti Anni 60 - Su Mundu Oje

Su mundu oje est andhande malamente
Ca tottus pessant a si divertire
Su chi contat pro medas est godire
Profittande de s'attimu presente

Non contat prus s'amicu o su parente

Ahi! Cantu custu mi fachet suffrire!
Medas si cheren su mundu ingulire
S'amore in odiu mudant de repente

Oje est divinu solu su dinare
Non balent nudda sos bonos sentidos
Bandhida es donzi bona costumanzia

De nudda nos ischimus cuntentare
Nos airamus che lupos famidos
Sena affettu, né ammentu, né isperanzia

Written by:
Salvatore Chessa

Publisher:
Lyrics © O/B/O DistroKid

Lyrics powered by Lyric Find