Frammenti Anni 60 - Unu Disizzu

Babbu mi lu narìat
Chi che a s'orfanìa
Disgrazia pius manna non bi n'ada

So' potente, so' riccu e rispettadu
E so' forte e so' bellu e vinzas sanu
Una rosa a cumpanza appo leadu
Chi mi lughet sa vida che beranu

De tres fizzos, chi tenzo, so' cuntentu
Sun sanos e de bona intenzione
M'adorana disizzu e pesamentu
Ma mi punghet in coro unu punzone

Solu una cosa mi mancat, sol'una
Pro sa cale diàpo dare tottu
Vida, salude, benes de fortuna
Si possibile esseret custu vottu

Non cherjo memorabile una prama
Pro chi in su mundu siapo onoradu
Solu unu basu, unu carignu 'e mama
Chi sa morte naschinde mi at negadu

Written by:
Salvatore Chessa

Publisher:
Lyrics © O/B/O DistroKid

Lyrics powered by Lyric Find