Swiss Army Knife Orchestra - Cajola
Chiuso dint' a 'na Cajola
Voglio ascì
Afore 'o sole nasce e more
Me ne voglio ij
Sento attuorno a me sta gente
Me vo' sentì 'e cantà
E je canto pe' nun perdere 'a speranza
'E turnà a vulà
Canto pe' 'o sole e tutte 'e ciure
E 'a voce mia luntano va
Vola pe' coppo a chesti mura
Nisciuna sbarra 'a po' fermà
Da afore 'nu criaturo zompa 'e mure
Me vo' venì a truvà
'O guardo: tene 'mbraccio 'na chitarra
E se mette 'a sunà
'O sento: s'avvicina a me cantanno
'Na canzone ca cunosco
Ca quanno nun 'a canto 'a sisco
Parla 'e libertà
"T'aggio sentuto 'a fore 'e mure
D' 'a voce toja m' annammuraje
Che 'nce faje chiuso int' 'a cajola?
Tu si' n' auciello e vullarraje"
Veco 'e culure 'e tutte 'e ciure
'O core mio luntano va
Volo pe' coppo a tutte 'e mure
Nun tene chiù sbarre 'a libertà
Sulo pe' mano 'e 'nu criaturo
L'umanità se po' salvà
Vottano 'nterra tutte 'e mure
Nun teneno sbarre a che penzà
Written by:
Raffaele Terlizzi
Publisher:
Lyrics © O/B/O DistroKid
Lyrics powered by Lyric Find