A REZZA - Popolo 'e sta terra vesuviana

Popolo 'e sta terra vesuviana
Figlie 'e «sott' 'o cielo» e «'ncopp' 'o mare»
Nato dint' a' ll'addore 'e 'sti campagne
Fatto 'e gente ca nun se rassegna
Popolo 'e sta terra vesuviana
Cu na storia antica cchiù d' 'o ppane
Nu' villaggio 'ncopp' 'a sella 'e Ariano'
E Sarrastri so' primm' Campana
Popolo 'e sta terra vesuviana
Quanta re, riggine e cchiù suvrane
Hanno commenato pe' 'sti vvie
Gente, piscature, cuntadine, gran signure
Legiunari, camurrìe, schiere
Prucessione a Dio
Popolo 'e sta terra vesuviana
Connola d' 'a grecia e po' romana
Pàscieno colonie in armonia
Mare, cielo e terra, accussì sia
Popolo 'e sta terra vesuviana
Addesiderata comm' 'a tana
Sì na preda fuje p' 'a libertà
Si 'o lione azzanna pe' sfuma
Popolo 'e sta terra vesuviana
Quanta re, riggine e cchiù suvrane
Hanno commenato pe' 'sti vvie
Gente, piscature, cuntadine, gran signure
Legiunari, camurrìe, schiere
Prucessione a Dio
Popolo 'e sta terra vesuviana
Cant' a' filo 'e voce e cu rispetto
Era 'na jurnata Austana
Se scurava 'o sole all'intrasatta
Primmo 'o terramoto e po' na bótta
'A muntagna sputa 'a coppo e 'a sotto
Fuoco cu rapillo comme stelle
Sciumme 'e lava comme a' 'na livella
Popolo 'e sta terra vesuviana
Quanta re, riggine e cchiù suvrane
Hanno commenato pe' 'sti vvie
Gente, piscature, cuntadine, gran signure
Legiunari, camurrìe, schiere
Prucessione a Dio
Popolo 'e sta terra vesuviana
Passano po' l'anne cu 'e suvrane
Roma, Visigoti e Bizantini
Svevi, Aragonesi ed Angioini
Popolo 'e sta terra vesuviana
Dominato ancora 'a tanti mmane
Re Borbone e pure Napulione
Regno de' Sicilie e l'adesione
Popolo 'e sta terra vesuviana
Quanta re, riggine e cchiù suvrane
Hanno commenato pe' 'sti vvie
Gente, piscature, cuntadine, gran signure
Legiunari, camurrìe, schiere
Prucessione a Dio
Popolo 'e sta terra vesuviana
Doppo tantu tiempo ancora sóna
M'allicordo 'e ffeste d' 'e ttammorre
Massarie cu gente cu 'e Chitarre
Popolo 'e sta terra vesuviana
Cu 'a vernata 'e suone d' 'e zzampogne
Da luntano 'a voce de cciaramelle
Accuminciava 'o friddo 'e ffeste belle
Simmo sulamente vesuviane
Cu na spada arrete e 'o coro mmano
Pe chi è nato 'a sotto comm'a me
Forte, cumbattivo, guerrigliero, capatuosto
Cu 'a cazzimma, cu l'ardore
Amo chesta terra mia
Simmo sulamente vesuviane
Cu na spada arrete e 'o coro mmano
Pe chi è nato 'a sotto comm'a me
Forte, cumbattivo, guerrigliero, capatuosto
Cu 'a cazzimma, cu l'ardore
Amo chesta terra mia, e penzo a te!

Written by:
Antonello Buonocore, Marco Russo

Publisher:
Lyrics © O/B/O DistroKid

Lyrics powered by Lyric Find