Ben J W Anthony - There Was A Lad (Rantin' Rovin' Robin)

There was a lad was born in Kyle, but whatna day o' whatna style
I doubt it's hardly worth the while, to be sae nice wi' Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin
Our monarch's hindmost year but ane, was five-and-twenty days begun
Twas then a blast o' Janwar' win' blew hansel in on Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin
The gossip keekit in his loof, quo' scho wha lives will see the proof
This waly boy will be nae coof: I think we'll ca' him Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin
He'll hae misfortunes great an' sma', but ay a heart aboon them a
He'll be a credit till us a' we'll a' be proud o' Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin
But sure as three times three mak nine, I see by ilka score and line
This chap will dearly like our kin' so leeze me on thee, Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin
Guid faith,' quo sho, I doubt you gar, the bonnie lassies lie aspar
But twenty fauts ye may hae waur so blessings on thee, Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin
Robin was a rovin boy, Rantin, rovin, rantin, rovin
Robin was a rovin boy, Rantin, rovin Robin

Written by:
Traditional Music

Publisher:
Lyrics © O/B/O DistroKid

Lyrics powered by Lyric Find