Ben J W Anthony - Tae The Weavers Gin Ye Gan

My heart was ance as blithe and free
As simmer days were lang
But a bonnie, westlin' weaver lad
Has gart me change my sang
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan
My mither sent me to the town
To warp a plaiden wab
But the weary, weary warpin o't
Has gart me sigh and sab
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan
A bonnie, westlin' weaver lad
Sat working at his loom
He took my heart as wi' a net
In every knot and thrum
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan
I sat beside my warping-wheel
And aye I ca'd it roun
But every shot and every knock
My heart it gaed a stoun
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan
The moon was sinking in the west
Wi' visage pale and wan
As my bonnie, westlin' weaver lad
Convoy'd me thro' the glen
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan
But what was said, or what was done
Shame fa' me gin I tell
But Oh! I fear the kintra soon
Will Ken as weel's myself
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan
To the weaver's gin ye gan, fair maids
To the weaver's gin ye gan
I rede you right, gan ne'er at night
To the weaver's gin ye gan

Written by:
Traditional Music

Publisher:
Lyrics © O/B/O DistroKid

Lyrics powered by Lyric Find