Fucina Mediterranea - Essa Te 'Ncanta Tanto Ch'É Bella

Oi bella ca d''e belle si' 'a cchiù bella
Dince: addó è ghiut' 'o 'nnammurato tuio?
Dincello tu p'addó s'è 'ncammenato
Sulo accussì 'o putimmo i' cercanno
'Nzieme cu te

L'ammore mio è ghiuto p''a campagna
Tra ll'urticiell' 'e barzamo
Sta pascenno addó ll'evera è cchiù fresca
E sta cuglienno 'e giglie
Io tutta quanta so' 'e ll'ammore mio
Isso è tutto d''o mio e va pascenno
'E pecurelle soie mmiez' 'e giglie

Comm' 'a tirza si' bella ammore mio
Doce e gentile comm' a gerusalemme
Comm' 'a n'armata, stupetie, ch'avanza
Cu li bannere aizate. Nun me guarda'
Cu st'uocchie che me fanno sciavoli'
Sti capille se spanneno
Cunforme a quanno 'e crapuselle scenneno
D''a muntagna 'e galaad
Chisti diente apparate senza defietto
L'un' affianc' a llate
Assumeglian' 'a tanti pecurelle
Quanno dall'acqua jesceno tusate
Sta faccella sott' 'o velo me pare
Nu granato quanno s'arape
Fa cunto ca ce stessero sissanta regine
Ottanta cucncubine e mille e mille sciure
'E figliulelle belle, semp' una sola sarria
'A palummella mia, tutta perfetta
Pure p''a mamma che l'ha fatta nascere
È chella prediletta. Tutt' 'e figliole belle
Diceno ca sul'essa rid' 'e felicità
Cuncubine e rigine lle fanno annore e grolia

Chi mai è chesta ca sponta
Cchiù bella de l'aurora
E sbrenne comm' 'o sole?
Essa ce lev' 'o sciato, comm' 'a 'n' armata
Che vene annanze cu 'e bannere aizate

So' sciso dint' 'o pasteno d''e pied' 'e noce
E so' ghiut' 'a vede' comme sguigliavano
'E chiante cchiù vicine a lu turrente
So' jut' a spia' 'a vigna mo ch' è primmavera
E spontano già 'e sciure d''e granate
A 'sti signiale d''a presenza 'e dio
Cchiù niente niente aggio capito; 'o core 'mpietto
Diceva: si' nu re p'ammor' 'e 'na rigina

Written by:
Angelo Calabrese, Benedetto Salamone, Ubaldo Tartaglione

Publisher:
Lyrics © O/B/O DistroKid

Lyrics powered by Lyric Find