Fucina Mediterranea - Desiderio D'Ammore

Vasame tu accussì vocca cu vocca
'mbriacam' 'e carezze, meglie d''o meglio vino
Tu addure 'e tutt' 'e sciure:
Profumo ca se spann' è 'o nomme tuio
Gulio de tutt' 'e femmene, respiro mio
Arapeme sti bracce, mett' 'e scelle
Pe' correre sta vita 'nzieme a te
'na è 'o core tuio e si me faje trasì
Cu te, pe te p'ammore tuio sta gioia
Sarà gloria d'ammore: 'nu banchetto
Addo ce saziammo senza prelibatezze
E senza vino ce 'mbriacammo pe l'eternità
Pe me se stuta 'o sole senza 'e te
Io songo scura 'e pelle, ma bellella
Figliulelle 'e sta terra, nun me preggiudicate
Si songo cott' 'e sole: 'e frate miei so' state
Che m'hanno miso a fa' 'a guardia 'o vigneto
Ma 'a vignarella mia nun me l'aggio saputa riguardà
Vita d''a vita mia, cor' 'e stu core, addó tu vaie pascenno?
Addó faie arrepusà li pecurelle
Quann' è cchiù ardente 'o sole 'e miezejuorno?
Famme venì addó te direttamente
Senza ch'aggi' annasconnere sta faccia
Si p''a via trovo ll'ati cumpagne tuoie cu 'e pecurelle

Oi bella, assai cchiù bell' 'e tutt' 'e belle
Si tu nun saie addó sta, porta sti crapuscelle
Fino addó truov' 'e tende d''e pasture
E p'addó so' passate 'e pecurelle, piglia signale

Si prezzo nun ce sta pe' 'na jummenta
Che fa sbrenner' 'o carr' 'e faraone
Chi mai se po apparà cu sta bellezza
Cu sta faccia ch'allumina 'e ricchine
E stu cuollo che venc' 'e perle rare?
Io t'aggia rialà ricchine d'oro
'ntarziate d'argiento
Mo che te tengo stritto 'int' 'a sti bracce
E chist' è o regno tuio
Se spanne tutt' addore d''onardo mio
Nu sacchetiell' 'e mirra tengo 'nzino
Che se sta arrepussanno 'mpiett' a me
Nu rappulill' 'e cipro, 'int' a sta vigna

Te saccio sulo di' quanto si' bella
Ammore mio, sì, quanto bella si'
Cu' st' uocchi' 'e cielo ca so' ddoie palomme

Quanto si' bello vita mia:
Guardannote me 'ncanto
Nuie stammo stise 'ncopp' all'erbe rare
'e nu ciardino quann' è primmavera
'e cedre songo 'e trave 'e chesta casa
E pe' suffitta tenimmo 'e cipriesse

Written by:
Angelo Calabrese, Benedetto Salamone, Ubaldo Tartaglione

Publisher:
Lyrics © O/B/O DistroKid

Lyrics powered by Lyric Find