Fucina Mediterranea - Si Stammo 'Nzieme É Ddoce
Mo' songo addeventata nu narciso 'e saronne
Nu giglio ch' è spuntato 'int' 'a vallata
Tu si' nu giglio overo mmieze' 'e spine
E, tutte ll'ate femmene, a chelle arrassumigliano
Nu milo cannamelo int' a 'na serva
Mmiez' a tutt' 'e cumpagn' 'e giuventù
Ammore mio si' tu
All'ombra toia me voglio arrepusà
So' ddoce a chesta vocca 'e mele toie
M'he 'mbriacata d'ammore'int' 'o cellare
Vinciuta cu n'esercito d'ammore
Nu 'mpasto d'uva dateme
Aggi' arrepiglià 'e forze
E mele doce pe' me cunsulà
So' malata d'ammore
Me sta aizann ' 'a capa c' 'a mancina
E cu chell'ata cchiù stretta m'allaccia
Vuie cumpagnelle meie, che me parite
Ciervetelle e gazzelle tennerelle
Addó cchiù verde è 'o verde d''a campagna
Dateme aiuto: nun facite sceta' vulìo d'ammore
Io l'aggia 'n 'ata vita desidera'
Me sta chiammanno
Sent' 'a voce 'e ll'ammore mio: vene zumpanno
'A copp' 'a li muntagne, corre p''a cullina
Pur'isso arrasumiglia a 'na gazzella
A nu ciervo tenneriello 'mbriaco 'e libertà
Oiccanne, mo st proprio aret' 'o muro
Spia pe' dint' 'e feneste, dint' 'e cancielle; chiamma
Susete bella mia e viene ammore
Scurdammece 'a vernata ch' è passata
Chiuveva ma mo ll'acqua se n'è ghiuta
Stanno spuntanno 'e gemme 'ncopp 'o fico
E se spann' 'o prufumo
D''e vigne che stanno sciurenno
Susete tutta bella, vieneme 'mbraccio ammore
Iesce palomma mia che t'annascunne
Pe' dint' 'e spaccature d''e pprete d''a muntagna
E addó truove ricietto 'int' 'e scarrube
Famme vede' sta faccia, famme senti' sta voce
Sta voce accussì ddoce, sta faccia che me 'ncanta
Jate cacciano vurpe
Proprio 'e cchiù piccerelle
Che ce struien' 'e vigne
'E noste stanno sciurenno
L'ammore mio è d''o mio e io songo d''a soia
E 'mmiez' 'e gigli emo pasc' 'e pecurelle
Nunn' aspetta' 'o ventariello 'e primma matina
Che fa fui' l'ombre che so' restate
Torna addó me, gazzelluccia gentile
Ciervo tenneriello 'ncopp' 'a muntagna 'e Beter
Written by:
Angelo Calabrese, Benedetto Salamone, Ubaldo Tartaglione
Publisher:
Lyrics © O/B/O DistroKid
Lyrics powered by Lyric Find