Fucina Mediterranea - Vaco Cercann' 'O Core D'O Core Mio

'Ncopp' a nu lietto pe' tutt' 'a nuttata
Sbarianno senza ricietto so' ghiuta
Cercann' l'ammore mio, cercann'
L'aggio cercato e nun l'aggio truvato
Mo m'aggi' aizà e, currenno
Pe' tutt' 'e vie, p''e chiazze d''a città
'o core d''o core mio, aggia 'ncuntrà
E cerca, cerca, cerca nun l'aggio truvato

M'hanno 'ncucciata 'e guardie 'e sentinlla
Chelle che fann' 'a ronda p' 'a città
"ll'avite visto 'o core d' 'o core mio?"
E quanne m'ero appena alluntanata, doppo spiato
Aggio 'ncuntrato 'a vita d''a vita mia
E ll'aggio 'ncatenato 'int' a 'sti braccia
E nun l'aggio lassato fino a quanno
Dint' 'a casa 'e mammà nun è trasuto
Proprio 'int' 'a stanza 'e che chella che nascere m'ha fatto
L'ammore s'è scetato e avimmo fatto pace
Figliole bell' 'e che città santa
Facitelo p' 'e cierve e p' 'e gazzelle
Nun scetate st'ammore che mo dorme
Sulamente 'o desiderio suio l'adda sceta'

Che d' è che sta saglienno d''o deserto
Comm' a culonna ' fummo
E va spannenno attuorno attuorno cu mirra e 'ncienzo
'e meglio addure 'e tutt' 'e prufumere

Ecc' alloco che spont' 'a purtantina 'e Salomone
Attuorno attuorno ce ce stanno a difesa
Sissanta d''e surdate cchiù valente, e songo maste
Spate pruvate pe' fa' 'a guerra
L'arma teneno appesa alla centura
Pe' ghi' sicure quanno scura notte
Salomone s'ha fatt' 'a purtantina
Cu nu titto d'albere libanese
Cu culonne d'argiento e 'o trono d'oro
S'assetta 'ncopp' 'a porpora e attuorno attuorno tene
Curtine arricamate dalli figliole de gerusalemme

Currite figliulelle, ca mo, salomone, ve stupeteia
Cu la bella curona
Che mamma soia lle dette quanno se 'nzuraie
Chillu juorno d''a gioia d''o core suio

Written by:
Angelo Calabrese, Benedetto Salamone, Ubaldo Tartaglione

Publisher:
Lyrics © O/B/O DistroKid

Lyrics powered by Lyric Find