Fucina Mediterranea - Jenno Affannanno, Cercanno L'Ammore

So trasuto 'int' 'o mio, dint' 'o ciardino
Spusella e sora mia
Mirra e barzamo m'hanno cunzulato

Spusella e sora mia
Mirra e barzamo m'hanno cunzulato
M'hanno saziat' 'o favo e 'o mmele mio
M'hanno levat' 'a sete 'o latte e 'o vino mio

Venite a stu festino, venite cumpagne belle
Mangiate, bevite, 'mbriacateve d'alleria

Durmevo, però 'o core steva scetato
Aggio 'ntiso 'na voce
'o 'nnammurato mio
Me steva tuzzulianno

Arape sora mia, cumpagna mia
Palomma mia perfetta
Tengo 'e capille chine d''a serena
'e ricciulille mie songhe 'nzuppate
'e chell' acqua che scenne 'int' 'a nuttata

M'aggio levat' 'a vesta
E mo n'ata vota m'avessa vestì?
Me so' lavat' 'e piede
E n'ata vota me l'avessa spurca'?
L'ammore mio ha tuccato cu 'a man' 'a mascatura
Me so' sentut' 'o core zumpa' 'mpietto
Songo scesa d''o lietto p'arapi' 'a porta
E 'ncopp 'o maniglion' 'e ddete meie
Erano comm' 'a mirra quanno se squaglia
Aggio araput' 'a porta
Però l'ammore mio se n'era juto
Se n'era già fuiuto
Allora s'ammutette l'anema mia
L'aggio cercato e nun l'aggio truvato
L'aggio chiammato, ma nun m'ha risposto
Doppo m'hanno 'ncucciata 'e sentinelle
Chelle che vann' 'e ronda p' 'a città
M'hanno vattuta, m'hanno ferita
M'hanno levat' 'a mantella
'e suldate che fann' 'a guardia a 'e mmure
Ve supprico figlie 'e gerusalemme
Si 'o truvate vuie l'ammore mio
Sulo chesto ll'avita dicere
Che songo malata d'ammore

Dincello tu cchiù bell' 'e tutte 'e belle
Facce capi' pecché 'o nnammurato tuio
Superchia a tutti chille che nuje vulimmo bene
E pecché tu accussì vaie supprecanno

È janco e russ' 'o nnammurato mio
E mmiez' 'a diecemila s'accanosce
'e capille suje songo oro zecchino
'e ricciulille rappulille d''e parme
Tene ll'uocchie curvine, nire nire
Pareno ddoie palomme che appusate
Se songo proprio addó doce doce scorre ll'acqua
D''o culore d''o latte 'e diente suoie
Parene perne bone incastunate
'a faccia soia, nu ciardeniell' 'e barzamo
Addó se coglie ogni erba apprifumata
Da 'e gigli 'e chella vocca s'arrecoglieno
Gucciulelle de mirra
E mmane soie song' anella d'oro
Chien' 'e gemme 'e tarsis
'a pella pare avorio liscio liscio
Addó stanno 'ncrastate zaffire 'nquantità
'e cosce soie, culonn' 'e libbastro
Stanno appuiate 'ncopp' 'a l'oro fino
E quanno vide a isso, 'o libbano tu vide
Che te 'ncanta c' 'a meraviglia d''e cedre
D''a vocca soi' 'a ducezza piglia nomme
E pe' tutt' 'a perzona è 'na delizia
Figliole belle de gerusalemme
Chisto m'è 'nnammurato e cumpagniello

Written by:
Angelo Calabrese, Benedetto Salamone, Ubaldo Tartaglione

Publisher:
Lyrics © O/B/O DistroKid

Lyrics powered by Lyric Find