Fucina Mediterranea - L'Ammore Quanno È Overo

Si quaccheduno a me t'avesse dato
Comm' 'a frate che 'o latte s'ha zucato
'E mamma mia, io 'mmiez' a 'llate
Te putevo vasa' senza ave' scuorno
E senza timore d'essere preggiudicata
Io te ce avria purtato e trasi' t'avria fatto
Proprio dint' 'a casa 'e mamma mia
Tu m'avisse 'mparat' a fa' l'ammore

Tu m'avisse 'mparat' a fa' l'ammore
E io t'avesse dato vino priggiato e suco de granato
Mo' me sustene 'a capa cu 'a mancina
E cu chell'ata mana m'abbraccia stretta stretta

Vuie cumpagnelle meie 'e Gerusalemme
Dateme aiuto: nun facite sceta' vulio d'ammore
Io ll'aggia 'n' ata vota desisera'

Chi è mo chesta che d''o deserto vene
Saglienno stretta abbracciata
E sustenuta dall'ammore suio?

Sott' a lu milo t'aggio scetato
Addó mammeta te facette
E po' doppo se sgravaie

Tieneme pe' sigillo 'ncopp' 'o core
Tieneme pe' sigillo 'ncopp' 'o vraccio
Pecché l'ammore nun se sazia maie
Peggio d''a morte, è assai cchiù peggio
D''o fuoco 'e l'inferno

T'arde, te struje
Proprio che chelli vampe ardente ardente
Che so' chelle d''o fuoco d''o signore

E pe' stuta' l'ammore, nun c'è acqua ch'abbasta
Nun ce ponno sciumme gruosse assaie
Né turrente che si t'anno acchiappato
Te portano a zeffunno. E si 'n ommo projesse
Tutt' 'e ricchezze soie p'ave' l'ammore
Se n' ascesse scurnato

Nuje tenimme 'na sora tennerella
E nun ancora l'he cresciut' 'o pietto

Ch'avimma fa' 'o juorno ca p'essa
Facimme 'e patte d''o matrimonio

Si chella fosse 'na vera muraglia
Ce mettesseme 'ncoppa mierole 'e argiento
E si fosse 'na porta, trave 'e cedro
Valessero p''a fa' cchiù forte

Songo nu muro tuosto e 'mpietto tengo
Ddoie torre pe' difesa
Sulo pe' chesto l'uocchie suoie me vedono
Comm' a chella che ha già truvato pace

A baal-amon teneva nu vigneto Salomone
'Mmano 'o dette a 'e guardiane
Cu l'obbreco 'e pava' mille sicle d'argiento
Pe' vennegnarse l'uva
'A vignarella mia, ch'è proprio 'a mia
'A tengo annanz' all'uocchie
Salomo' 'e mille sicle so' pe' te
E duiciente s''e pigliano 'e guardiane

Oi tu che staie de case 'int' 'e ciardine
Abbara ca 'e cumpagne stanno 'ntise
Pe' senti' 'a voce toia
Jammo, fammella sentere

Curre, viene currenno ammore mio
Comm' a 'na gazzelluccia
Comm' a nu cervetiello 'mbriacato
D''e prufume che se vanno spannenno
P''e muntagne

Written by:
Angelo Calabrese, Benedetto Salamone, Ubaldo Tartaglione

Publisher:
Lyrics © O/B/O DistroKid

Lyrics powered by Lyric Find