Don Friso - Wäihe (prod. Rak Ror)

Nämmer mol ah, s' ganze Glöck uf dere Ärde
Esch eis fetts Stöck vonere Wäihe
Es stoht so do, so frösch wie usem Bachofe
Also muesch nor no e Dessert-Gable go hole
Griifsch noch em Schubladegreff
Ond begriifsch, dass das Stöck onglaublech saftig esch
Sodass för das velecht
Sogar scho fascht echli fahrlässig esch
Metemne Gäbeli di Wäihe in Agreff z'näh
Well ech meinti, es gäbti es passenders Grät
Es Mässer zode Gable?
Glich goht mer s'Meischte no dör d'Lappe?
Es esch klar, was jetzt chond
Ond es get för di rechtig Wahl en Ponkt
Well es esch eifach, wenn drigsehsch ond de Lösigswäg chasch ha
De Entscheid fallt i dem Bispell uf de Löffel näbedra
Was heisst das, beschribsch jetz met dere Pâtisserie-Gschecht
Wimer en Tesch fachrächtlech ideckt?
Vellecht machi das werklech?
Also wähl' dis Bsteck
Nei, nämmer mol ah, s ganze
Glöck wo mer jemols erläbe werded
Send nor Brösmeli womer vom Täller pecked
Ond das nor, well mer glehrt hend en Pincette wärtz'schätze
Well mer si guet i üsne Wärchstett chönd härstelle
Ab ond zue es neus Patänt zom si ständig verbessere
Wemmer dem nie es Ändi wett setze
Läbemer nor no vo chliine Häppli
Di Sommerwoche uf de Maledive esch's Wärt gsi?
Sebe Mönet Tunnelbleck
Ond ab ond zue erget sech öbis Cools vellecht
Ond söscht esch es nome es Abwarte
Dass mer ufem Kaländer di Nommere chönd abhogge
Ech be ned secher, öb das öbis brengt
Solang mer emmer no ke Löffel fendt
Ond Brösmeli ässe cha jo au gschmacksvoll si
Ond gwössni Räschte send sogar fascht so wi
Als frösch zuebereitet ech behaupte sowiso ned
Mer sött si ned schätze ond genauso gniesse
Aber nor well's Pincette get, grad au no z'beschliesse
Dass mer das nor so müehsam darf ässe met sch Besteck
Wär doch schad om das süesse Gebäck wod' doch eifach hesch?
Eso als ob ech s'Glöck zo mer ad' Party ilade
Ond denn hässig werd, wenns ned uftaucht, die Made
Ond wenni hött hei fahr', stoht de Autostöppler weder det
Aber ech wott doch ke Staub i mim BMW
Oder esches e Frau gsi? Ha si nedmol gnau gseh
Näbem Spar metem Ichaufswage?
Mer egal, ech be eh scho lang dra verbigfahre
Am Strosserand, s ganze Glöck i dem Universum
Ond ech apisst, dröck'si ond bemerk's chum
Achterbahn EP
Don Friso
Schön besch do!

Written by:
Gabriel Voirol

Publisher:
Lyrics © O/B/O DistroKid

Lyrics powered by Lyric Find