Don Friso - Perfekt

Lueg' doch, jedes Detail esch perfekt för dech bereitgstellt
Jedi Chliinigkeit, wo als Eis zellt, erstellt
Jo scho 'nes makelloses Beld
D'Frog esch, besch du de passend Rahme oder blend?
Lueg' doch, jedes Detail esch perfekt för dech bereitgstellt
Jedi Chliinigkeit, wo als Eis zellt, erstellt
Jo scho 'nes makelloses Beld
D'Frog esch, besch du de passend Rahme oder blend?
Sie hed gseit: "Los, ech wett doch s'Beste för dech wieso
Wändisch dech ab ond gosch go läschtere öber d'Gschehnis wo
Ech metere wohlwollende Absecht zor Verfüegig stelle?
Ond för en zu vorkommendi Praxis mech bemüeh bi wellne...
Pönkt besch ned iverstande?
Säg' ned, ech be z' fröndlech bi mim Verhandle
Ond du hättisch lieber, dass ech dech könstlech vom Ziel abhalte
Well ech wönscht' mer s'gliche Verhalte
Als sälbstverständlech vo mim Gägenöber
Well ech gseh's weder als Fähler no als fähltet d'Wörter
Wenn's nüd usz'setze get
Aber du meinsch, de Schiin trüegt usere faire Secht
Aber esch es fair, wenn du dech füegsch als Perfektionescht
Dem Glaube, dass wenn's z'eifach esch, brücht's no de letschti Schleff?
Hesch d' Bagge voller Messtraue
Besch zwor d'Made im Späck aber chasch de Mocke ned verdaue?
Lueg' doch, jedes Detail esch perfekt för dech bereitgstellt
Jedi Chliinigkeit, wo als Eis zellt, erstellt
Vellecht esch's onvorstellbar wied' wersch dehär cho
Vellecht fühlt sech ongwohnt ah, jetzt uf de Wäg z'goh
Vellecht macht's der Angst, dass nömm chönntsch hei fende
Gsehsch de Wald vor luuter Böim nömme?
Lueg, do esch er, mer zwe setzed zmetzt drenn
Mer send sälber Böim, vellecht erget's jetzt meh Senn?
Wobi... vellecht... hani jetzt scho z'vell verrote
Zu Offesechtlech's chasch ned glaube ohni z'henterfroge
Du chasch dech ned als separati Instanz betrachte
Sondern mech öber beliebig langi Distanz erfasse
Ond es cha si, dass der das en Schrett zwiit goht
Es esch au mer ned emmer klar, wie mer das ifoht
Aber du chasch's jetzt erfahre, wenn dech ilosch
Mer send s'Gliiche, es macht ke Senn, dass mer striitet
Ech chas' der ned beschriebe, du musch intuitiver chönne vorgoh
Söscht wersch emmer verzwiifled welle losloh
Lueg' doch, jedes Detail esch perfekt för dech bereitgstellt
Jedi Chliinigkeit, wo als Eis zellt erstellt
Jo scho 'nes makelloses Beld
D'Frog esch, besch du de passend Rahme oder blend?"

Written by:
Gabriel Voirol

Publisher:
Lyrics © O/B/O DistroKid

Lyrics powered by Lyric Find