Neffa and Rocco Hunt - AmarAmmore

Me l'he 'a dicere
Tu che vulisse 'e cchiù
Tutto ha dda cagnà
Ma tu si sempe tu
Quanno t'astregno, te faje
Fredda comme 'a neve, neve
Dimme ch'aggi''a fa'
C''o core rutto mo

Ammore, ammore, ammore, amar'ammore
M'he chiuso ll'uocchie e nun me faje vedè
E si nun trovo pace e stongo 'a fore
È colpa 'e chist'ammore, amar'ammore

'St'ammore amaro me fa suffrì
Pure 'a notte nun me dà pace
Nu bellu juorno diciste: "Addio"
E je 'e te scurdà mo nun so capace
'O ssaje nun crede 'int'e suonne
Nun credo ca tuorne
Nun credo ca ce sta 'a speranza
Ca cu'tté nu juorno
Putesse turnà tutte cose a comm'era na vota
Mo nun t'importa cchiù e me
Nun so cchiù niente pe'tté
Ma t'arricordo ca tu ce murive
Na foto e tramonto a Taormina
Niente maje dura pe sempe
Te cercano sulo si serve
Tutte penzano a lloro
E je scemo penzo a 'st'ammore

Ammore, ammore, ammore, amar'ammore
M'he chiuso ll'uocchie e nun me faje vedè
E si nun trovo pace e stongo 'a fore
È colpa 'e chist'ammore, amar'ammore

Sulo 'o penziero ca mo staje cu n'ato
T''o giuro, è pesante pecché je nun perdono
Si me vuò accidere, fallo mo
Ca si m'aizo po è peggio ancora
'St'ammore è amaro comme 'o cafè
Quanno te scuorde 'e ce mettere 'o zucchero
E quindi si è overo, nun vuò cchiù a me
Falla fernuta senza m'illudere

E si nun trovo pace e stongo 'a fore
È colpa 'e chist'ammore, amar'ammore
È colpa 'e chist'ammore, amar'ammore

Written by:
Giovanni Pellino, Rocco Pagliarulo

Publisher:
Lyrics © Warner Chappell Music, Inc.

Lyrics powered by Lyric Find