Glue Crew - Auf da Roas

Scho es Aufsteh in da Friah is voi da Tschoch gwesn
Aussi bei da Tia und eini in mei Tschesn
Wir hom ins sakrisch gschleint, damit ma Meter mochn
Wir woan no nia nix z'neidn, heit kemman Obsprung schoffen

Heit gemma nid ind Hockn, wir hom gnuag von de Honochsn
Wir dan liawa roin und rocken, die Ramones krochen aus de Boxen
Vom Feldweg übern Bichi, hinterrucks aufd Bundesstroßn
Und donn weida, immer weida, noch Nordwesten und Südosten
Noch Südwesten und Nordosten, liaber herumfetzen ois verrosten

Wir san auf da Roas, wir san auf da Roas
Egal obs saukoid is oder brennhoaß, wir san auf da Roas

I tretn Gråttn her, da Foatwind foad ma in de Zodn
Mit unsam Drummer is a Gscher, weil er is so a Schatzgodn
Er mocht an muaz Bahö bei jeda Möz, de er siegt
Zum Glück san unsre Nerven dick as wia a Kaiwistrick

Da Kofferraum is voi mit Trommin und Gitan
Wir mochn wos ma woin, seitdem ma okaud san
Wir blosn eich koa Weis, na bei uns gibt's Gschroa und Gspeiwat
Wenn mir a Soatn reißt, donn spü i mit Fünfe weida
Bis zum nächsten Obenteier, Hauptsoch es brennt no wo a Feier

Wir san auf da Roas, wir san auf da Roas
Egal obs saukoid is oder brennhoaß, wir san auf da Roas

Wir hom an Feinz und da Tank is laa
Uns geht's letz und blank samma a
Hiatz kemman a no de Schantinger
Und wir wern immer grantiger

Scheißegal, wos am Tog passiert
Am Obend samma wieder motiviert
Wir vergessn die Feiglerei, wenn ma endlich spün
Am Dorffest oder in da Diskothek
Wir schrein so laut wias geht
Wir mechtn nirgends ondas hi, da Weg is es Zü

Wir san auf da Roas, wir san auf da Roas
Egal obs saukoid is oder brennhoaß, wir san auf da Roas

Written by:
Thomas Mulitzer

Publisher:
Lyrics © O/B/O DistroKid

Lyrics powered by Lyric Find