A REZZA - O racconto d'a tammorra

Aggia visto tanti mani, tanti piedi abballa attuorno
Greci, Etruschi e po' Romani, p'a matina, notte e juorno
Sona pro nobis
'Na curnice pelle e dita, sesso e sfida, amore e lotta
Balla 'nzieme morte e vita, chi sta 'a coppa e chi sta 'a sotto
Sona pro nobis
Quando suono porto 'o grano, coglio e frutti da' campagna
Comme fossi nu sciamano, c'alluntana ogni scarogna
Sona pro nobis
Comme 'o Sabato 'o villaggio, comme 'o ballo 'e contadino
Ce 'ncuntrammo fore a loggia, e me struscio a te vicino
Sona pro nobis
Rallo 'a coppa, rallo 'a sotto, n'ati cienti a fora e chiste
Ballo zompo canto e suono, rido e prego a modo nuosto
'E piglia 'a bona jurnata, 'a malamente se ne va'
'Mpietto 'o core 'na lampata, che mo vaco a ve cunta'
Canta e suono p'a Madonna, sette pizzi, riti e passi
Primmavera centro e munno, cu l'autunno e feste lassa
Sona pro nobis
S'accumencia 'a chella 'e l'Arco, po' 'a Pacchiana Vesuviana
7 Busse p'e Galline, danza a Vagne 'na Diana
Sona pro nobis
L'avvocata è na' Battaglia, MaterDomini a Nucera
Muntevergine se saglie, femmenielli 'a core 'o vero
Sona pro nobis
Sisca 'o Satiro a Giugliano, balla l'urzo a Marcianise
A Scafati 'o carrettone, balla Vagne a mano tise
Sona pro nobis
Zompa e balla la contrada, gente allegra Dio l'aiuti
Votta votta miezo a strada, p'a Madonna e nu saluto
'E piglia 'a bona jurnata, 'a malamente se ne va'
'Mpietto 'o core 'na lampata, che mo vaco a ve cunta'
Voce e popolo mai scritto, 'mesca 'o sacro c'o profano
Conta comme 'a prima notte, conta e prega a core mano
Sona pro nobis
Comme jamme? jamme buono? Dice a zia d'a massaria
Tiempi e juoco, balli e suoni, senza troppe fessarie
Sona pro nobis
Votto o tiempo d'a fatica, miezo 'a terra a semmenà
Pure a coveta d'e' noci, pesa 'e meno a travaglia'
Sona pro nobis
So' tanti anni c'accumpagno, sti canzone d'e campagne
Cu discorsi, sfide e ammore, canta a fronne cu calore
Sona pro nobis
'A Paranza d'o Lione, zi' Fedele e zi' Giannino
A Terzigno sta zi' Rosa a Raviello zi' Luigi
A Scafati sta zi' Alfonso e zi' Rosa de' Pagani
A Pimonte sta zi' Pasqua e zi' Viola 'e Marunnelle
Sona pro nobis, Sona pro nobis
Sona pro nobis, Sona pro nobis, Sona pro nobis

Written by:
Antonello Buonocore, Marco Russo

Publisher:
Lyrics © O/B/O DistroKid

Lyrics powered by Lyric Find