Ben J W Anthony - Suo Gan (Cymru)

Huna blentyn ar fy mynwes
Clyd a chynnes ydyw hon
Breichiau mam sy'n dynn amdanat
Cariad mam sy dan fy mron
Ni chaiff dim amharu'th gyntun
Ni wna undyn â thi gam
Huna'n dawel, annwyl blentyn
Huna'n fwyn ar fron dy fam
Huna'n dawel, heno, huna
Huna'n fwyn, y tlws ei lun
Pam yr wyt yn awr yn gwenu
Gwenu'n dirion yn dy hun
Ai angylion fry sy'n gwenu
Arnat ti yn gwenu'n llon
Tithau'n gwenu'n ôl dan huno
Huno'n dawel ar fy mron
Paid ag ofni, dim ond deilen
Gura, gura ar y ddôr
Paid ag ofni, ton fach unig
Sua, sua ar lan y môr
Huna blentyn, nid oes yma
Ddim i roddi iti fraw
Gwena'n dawel yn fy mynwes
Ar yr engyl gwynion draw
Huna blentyn, nid oes yma
Ddim i roddi iti fraw
Gwena'n dawel yn fy mynwes
Ar yr engyl gwynion draw

Written by:
Traditional Music

Publisher:
Lyrics © O/B/O DistroKid

Lyrics powered by Lyric Find