MzumO - Ta Marbuta

S'isch so schwarz i mim Grind dine
Ich weiss nüme wini witerchum was heisst günne, ha?
Namal en Abschluss bis zum Handkuss
Als heti einisch usglernt und vilich gahni bald druff
Haar voll mit Dandruff, a paarne Stelle gheieds uus
Ich mu di Lunge endli schone tuusch Zigi us für de Snus
Aber nüt gmacht geg d'Root Cause
Mach die Welt feminin gib ihre'n es Ta Marbuta
Z'viel Männer sind fragili Tuble
Wänd ihres Gsicht nöd verlüre brate mich included
Aber eusi Maske sind ä so hässlich
Nur wel mer immer lüter redet verbesseret das nöd d'Message
S'isch nöd eifach sich iigestah
Das du fasch alli Privilegie idem Läbe hesch als wiisse Maa
Aber easy das isch ken Vergliich
Zum Läbe ide Schwiiz wenn du andersch bisch als ich
Ah zum Läbe uf de Welt, usserhalb vo de Kupple
Wode Zizek beschribe het, rauche Shisha im Land wo d'Bible beschriibt
Das isch meh als eifach nur e struubi Ziit bra
Meh als nur e struubi Ziit bra
Es seg e Ziitewendi, schriibt d'Ziitig wenn sie
Gseht das Wiissi flüchted, wel di Mensche kenn sie
Kennsch nöd alli Mensche sondern nur die Gliiche?
Solidarisch sii doch nume mitm Bild im Spiegel
Ja mir lesed Spiegel zum eus informiere
Mir wend resistiere, aso boykottiere
Mir chönd jedi jede da bi eus integriere
Aso wieso mömer fucking Frontex na finanziere, ha?
Und du nervsch di wel ein pusht Packs
Alte'n informier di lieber mal über Pushbacks
Mir wend mitrede bi Menscherecht
Aber nume wenn di Menscherecht usschlüsslich für eus sind
Zuebschlüesse und für eus sii
Mir hend di Welt da gfiggt und ez wemer chli für eus sii
De Homie us Khalil frögt wie chumi ine
Er het gnueg vo dem dune sii wer wills verüble
Währenddesse sind paar Akademiker am grüble
Ich wet Shit da change nöd nur cho als Züüge
Wet mi nüm verbüüge sondern entli Haltig zeige
Idem Game musch lüge aso bliibi halt eleige
Und sie klatsched wenni doubletime
Aber wasi eich wet mit dem Rap isch eu all vereine
Ja so all für eini oder ein für alli
Doch mir wend Eigentum ja mir wend das fucking Money
Mir wend Halligalli doch mir chunt die Galle'n ufe
Die mit de guet Idee, ned die mit de grosse Schnurre
Ja ich mein mi selber, ich nimme viel z'viel Platz ii
Immerhin bini scho chli besser als min Papi
Es isch es Chliises wenn ich mich mun opfre
Doch die Gschicht gaht nöd um mich also söti stoppe

Written by:
Moritz Haegi

Publisher:
Lyrics © O/B/O DistroKid

Lyrics powered by Lyric Find