Leonardo Gallato - Vientu

Fogghi ca nterra riturnati
Duoppu ca ‘u vientu v’ha pasciutu
Ora ca ‘u vientu si n’ha gghiutu
E aspitttati l’autri furturati
Viermi ca nterra caminati
Terra e fangu ata mangiatu
Ca cugghiti ‘u ciantu re dannati
E cianciti i muorti senza abbentu
Vientu ca puluzzii li strati
Sciuscia cciù forti nta sta sira
Netta sarà l’aria ra matina
Netti tutti i purticati
Fogghi ca nterra riturnati
Duoppu ca ‘u vientu v’ha pasciutu
Dati puru a mia st’aiutu
Virdi riturnari e gigghiati
Viermi ca nterra caminati
Ca cianciti i muorti senza luci
Dati puru a mia sta vuci
Datimi l’abbentu ca mangiati
Vientu ca puluzzii li strati
Sciuscia cciù forti nta sta sira
Netta sarà l’aria ra matina
Netti tutti i purticati

Written by:
Peppe Gallato

Publisher:
Lyrics © O/B/O DistroKid

Lyrics powered by Lyric Find